ملتان : ایئرپورٹ پر ایئرپورٹس سیکیورٹی فورس کے عملے نے ملتان سے منشیات دوحہ لے جانے کی کوشش کرنے والے مسافر کو گرفتار کرکے منشیات برآمد کرلی
ترجمان کے مطابق اے ایس ایف کے عملے نے ملتان سے دوحہ جانے والے مسافر سے 740 گرام آئس ہیروئن برآمد کر لی۔ مسافر معظم علی نے مذکورہ آئس ہیروئن بیگ کے آہنی فریم کے نیچے پیکٹس میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی۔
اے ایس ایف ترجمان کے مطابق ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا۔
