کوئٹہ: بلوچستان کے دارالحکومت کوئٹہ سمیت دیگرلاقوں میں زلزلے کے جھٹکے محسوس کئے گئے ہیں۔
میڈیا رپورٹس کے مطابق زلزلہ پیما مرکز کا کہنا ہے کہ زلزلے کی شدت 3.6ریکارڈ کی گئی،زلزلے کا مرکز ژوب سے 113کلومیٹر دور 75کلومیٹر کی گہرائی میں تھا۔
زلزلے کے باعث لوگ خوفزدہ ہو کر گھروں سے باہر میدان میں نکل آئے ، جہاں باآواز بلند کلمہ طیبہ کا ورد کرنے لگے اور استغفار کا ورد کرتے رہے۔
خیال رہے کہ آج صبح بھی بلوچستان کے مختلف علاقوں میں زلزلے کے شدید جھٹکے محسوس کیے گئے تھے۔
