لاہور: محمد رضوان کی قیادت میں ملتان سلطانز مسلسل چوتھی بار پی ایس ایل کے فائنل میں پہنچ گئی۔
نجی ٹی وی کے مطابق پاکستان سپر لیگ کے نویں ایڈیشن میں محمد رضوان نے اہم اعزاز اپنے نام کرلیا۔ میگا ایونٹ کے پہلے کوالیفائر میں ملتان سلطانز نے پشاور زلمی کو شکست دے دی، جس سے کپتان محمد رضوان کی قیادت میں ملتان سلطانز مسلسل چوتھی بار پی ایس ایل کے فائنل میں پہنچی ہے۔
ایونٹ کے پہلے کوالیفائر میں ملتان سلطانز کے ہاتھوں پشاو رزلمی کو 79 رنز سے شکست ہوئی۔ سلطانز کی اس کامیابی نے فرنچائز کو مسلسل چوتھی مرتبہ فائنل تک رسائی کا ریکارڈ بنانے کا اعزاز بخشا۔
ریکارڈ کے مطابق اس سے پہلے ڈیرن سیمی کی قیادت میں پشاور زلمی کی ٹیم پاکستان سپر لیگ میں مسلسل تین مرتبہ ایونٹ کے فائنل میں پہنچی تھی۔
