پاکستان اور آئی ایم ایف مشن کے درمیان قرض کی اگلی قسط کے لیے مذاکرات آج بھی جاری رہیں گے۔
ذرائع کا بتانا ہے کہ آئی ایم ایف حکام کو ٹیکس وصولی ، ایف بی آر اصلاحات اور دیگر امور پر بریفنگ دی جائے گی ۔
ذرائع کے مطابق اسٹیٹ بینک کے حکام جعلی کرنسی کی روک تھام کے لیے نئے پلاسٹک نوٹ جاری کرنے کے پلان اور قوام متحدہ کے انسداد کرپشن کنونشن کے تحت ملکی رپورٹ جاری کرنے پر آئی ایم ایف وفد کو بریفنگ دیں گے۔
ذرائع کا کہنا ہے کہ آئی ایم ایف کو رواں مالی سال ٹیکس وصولی میں کمی پر مزید فوری اقدامات پر اور حکومتی اداروں کی استعداد بہتر بنانے اور نجکاری پر بھی بریفنگ دی جائے گی
آئی ایم ایف نے پاکستان سے انسداد کرپشن کے اداروں کی استعداد کے بارے میں ماہرین سے رپورٹ تیار کرانےکی شرط رکھی تھی۔ ذرائع کا کہنا ہے کہ آئی ایم ایف کی اس شرط پر عملدرآمد وزارت قانون اور وزارت داخلہ نے کرنا ہے۔
