شارجہ: پاکستان کی ڈیف ٹی ٹوئنٹی ٹیم نے ولڈکپ 2024 کا ٹائٹل اپنے نام کر لیا۔
تفصیلات کے مطابق یہ میچ شارجہ میں ہورہا تھا، جس میں پاکستان نے سری لنکا کو 88 رنز سے ہرا دیا۔
پاکستان ڈیف ٹیم نے مقررہ 20 اوورز میں 6 وکٹوں پر 151 رنز بنائے جس کے بعد سری لنکا کی ٹیم 63 رنز بنا کر آل آؤٹ ہوگئی۔
چیئرمین محسن نقوی نے کھلاڑیوں کا حوصلہ افضائی کرتے ہوئے کہا ہے کہ شاباش پاکستان ڈیف کرکٹ ٹیم شاباش، کھلاڑیوں نے فائنل میں شاندار کارکردگی کا مظاہرہ کیا۔
واضح رہے کہ ڈیف ٹی ٹوئنٹی ورلڈ کپ کے چوتھے ایڈیشن میں کل چھ ممالک نے حصہ لیا جن میں پاکستان، بنگلہ دیش، بھارت، سری لنکا، جنوبی افریقہ اور آسٹریلیا شامل ہیں۔ پاکستان ڈیف کرکٹ ٹیم ٹورنامنٹ میں ناقابل شکست رہی۔
