کوئٹہ:بلوچستان کےکئی علاقوں میں بارش کاسلسلہ جاری ہے، بارش کے نتیجے میں کئی علاقوں کے فیڈرز ٹرپ ہوگئی،جس سے شہریوں کو روزہ افطار کرنے میں کافی مشکلات کا سامنا کرنا پڑا ہے۔
میڈیا رپورٹس کے مطابق کوئٹہ سمیت دیگر علاقوں میں بارش کے بعد بجلی کا نظام درہم برہم ہوگیا، کئی علاقوں کے فیڈرز ٹرپ کرگئے، کئی جگہوں پر برساتی پانی جمع ہوگیا ، جس سے شاہراہوں پر موجود راہگیروں کو کئی دشوار گزر گاہوں سے گزرتے ہوئے خطرہ رہا۔
عوام کا کہنا تھا کہ کیسکو کے عملے کے علاوہ شکایت سینٹرز بھی غیر فعال نظر آرہے ہیں، کوئی ہماری پریشانی حل کرنے والا نہیں ہے، بجلی کی شکایت کے لیے کال کی تو کال ہی ریسیو نہیں ہوئی، اس کے علاوہ بھی دیگر متعلقہ اداروں کی طرف سے بھی کوئی اقدامات دیکھنے کو نہیں نظر آئے ہیں.
