اسلام آ باد: صدر مملکت آصف علی زرداری نے اپنی صاحبزادی آصفہ بھٹو زرداری کو فرسٹ لیڈی بنانے کا اصولی فیصلہ کر لیا۔
ذرائع کے مطابق صدر آصف زرداری باضابطہ طور پر اپنی صاحبزادی آصفہ بھٹو کو خاتون اول ڈکلیئر کریں گے۔ آصفہ بھٹوز رداری کو خاتون اول کا درجہ اور پروٹوکول دیا جائے گا
عام طور خاتون اول کا درجہ اہلیہ کو جاتا ہے،آصفہ بھٹو زرداری پہلی خاتون اول ہوں گی جو صدر کی بیٹی ہیں۔
8 فروری کو ہونے والے عام انتخابات کے لیے آصفہ بھٹو نے پیپلزپارٹی کے لیے ملک گیر انتخابی مہم چلائی اور اپنے بھائی بلاول بھٹو زرداری کا بھرپور ساتھ دیا۔
