راولپنڈی: آرمی چیف جنرل حافظ عاصم منیر نے کا کہنا ہے کہ بلوچستان کے بہادر لوگوں پر فخر ہے جو مشکلات کے مقابلے میں ڈٹے رہے ہیں، بلوچستان کی کامیابی پاکستان کی ترقی ہے۔
پاک فوج کے ترجمان شعبہ ابلاغ عامہ ( آئی ایس پی آر )کی جانب سے جاری کردہ پریس ریلیز کے مطابق آرمی چیف نے بلوچستان کے ضلع آواران کا دورہ کیا، جہاں انہیں سیکیورٹی کی صورتحال اور سماجی و اقتصادی ترقی اور زراعت سے متعلق پاک فوج کی کاوشوں پرپر بریفنگ دی گئی۔
انہوں نے مقامی عمائدین، کسانوں اور شہداء کے اہل خانہ سے ملاقات کرتے ہوئے شہدا کی قربانیوں کو خراج تحسین پیش کیا۔
آرمی چیف کا کہنا تھا کہ بلوچستان کی کامیابی پاکستان کی کامیابی ہے، کسانوں کو ہر قسم کی زرعی سہولیات فراہم کی جائیں گی، کسانوں کو آسان اقساط پر قرضے، بیج اور سولر ٹیوب ویلز دیئے جائیں گے۔
