ریاض: سعودی ولی عہد شہزادہ محمد بن سلمان بن عبدالعزیز نے شہباز شریف کو وزیراعظم بننے پر مبارک باد دی ہے۔
بین الاقوامی خبر رساں اداروں کے مطابق شہزادہ محمد بن سلمان نے وزیراعظم شہباز شریف کو عہدے کا حلف اٹھانے پر مملکت کی جانب سے تہنیتی پیغام بھیجا ہے۔
سعودی سرکاری خبر رساں ایجنسی کے مطابق شہزادہ محمد بن سلمان کی جانب سے بھیجے گئے پیغام میں نومنتخب وزیراعظم شہباز شریف کو مبارک باد دی گئی اور مملکت، سعودی عوام کی جانب سے پاکستان اور یہاں کے عوام کے لیے ترقی، کامیابی و خوش حالی کے لیے نیک خواہشات کا اظہار کیا گیا۔
اپنے پیغام میں سعودی ولی عہد نے دونوں ملکوں کے برادر اسلامی ممالک ہونے کی حیثیت سے دو طرفہ خوشگوار تعلقات میں اضافے کے عزم کا اظہار بھی کیا۔
