اسلام آباد: پیپلز پارٹی کی جانب سے الیکشن کمیشن کو خط لکھا گیا ہے، جس میں فوری طور پر سینیٹ کے الیکشن کروانے کا مطالبہ کیا گیا ہے۔
الیکشن کمیشن کے نام لکھے گئے خط میں پیپلز پارٹی کی جانب سے بتایا گیا ہے کہ سینیٹ کی گیارہ نشستیں خالی ہیں کیوں کہ قومی اسمبلی کا رکن بننے والے کئی سینیٹرز استعفا دے چکے ہیں۔
واضح رہے کہ سینیٹ میں صادق سنجرانی، یوسف رضا گیلانی، شہزادہ عمر، جام مہتاب، رانا مقبول (مرحوم)، نثار کھوڑو، غفور حیدری، نزہت صادق، سرفراز بگٹی، شوکت ترین اور انوار الحق کاکڑ کی نشستیں خالی ہو چکی ہیں۔
اس کے علاوہ سینیٹ کی کچھ نشستیں استعفے دیے جانے کی وجہ سے بھی خالی ہوئی ہیں۔
