کراچی: نیوزی لینڈ کے وکٹ کیپر بیٹر ٹم سیفرٹ پی ایس ایل میں شرکت اور کنگز کو جوائن کرنے کے لیے کراچی پہنچ گئے۔
نجی ٹی وی کی رپورٹ کے مطابق کیوی بیٹر ٹم سیفرٹ منگل کے روز پاکستان پہنچے۔ وہ اب کراچی کنگز کے بقیہ میچز میں اسکواڈ کا حصہ ہوں گے۔ انہوں نے مجموعی طور پر 197 ٹی 20 میچز کھیل رکھے ہیں، جس میں ان کا اوسط اسٹرائیک ریٹ 129.29 ہے۔ انہوں نے 4،162 رنز بنائے ہیں۔
یاد رہے کہ پی ایس ایل سیزن 9 میں کراچی کنگز 3 میچز کھیل کر 2 میں کامیابی حاصل کی ہے اور وہ پوائنٹس ٹیبل پر چوتھی پوزیشن پر موجود ہے۔
کراچی کنگز کے اگلے 3 میچ نیشنل اسٹیڈیم کراچی میں ہوں گے۔ بدھ کے روز کراچی کنگز کا مقابلہ اسلام آباد یونائیٹڈ، جمعرات کو کوئٹہ گلیڈی ایٹرز اور اتوار کو ملتان سلطانز سے ہوگا۔
