اسلام آباد: نگراں وزیراعظم نے سمریاں واپس بھیجتے ہوجئے تمام کام روک دیے۔
نجی ٹی وی کی رپورٹ کے مطابق نگراں وزیراعظم انوار الحق کاکڑ نے تمام کاموں کو روک دیا اور منظوری کے لیے آنے والی تمام سمریاں واپس بھیج دیں۔
ملک میں ہونے والے عام انتخابات اور ان کے نتائج مکمل ہونے کے بعد قومی و صوبائی اسمبلیوں میں حکومت سازی کے معاملات شروع ہو چکے ہیں، جس کے پیش نظر وزیراعظم نے تمام سرکاری کام روکتے ہوئے سمریوں کو واپس بھیج دیا۔
نگراں وزیراعظم انوار الحق کاکڑ نےاس حوالے سے کہا کہ تمام کام اور سمریوں پر آنے والی نئی حکومت فیصلے کرے گی۔ ہم صرف نئی حکومت کی حلف برداری کے منتظر ہیں۔
انوار الحق کاکڑ کا مزید کہنا تھا کہ ہم نئی حکومت کو اپنے کاموں اور منصوبوں کے حوالےسے بریفنگ بھی دیں گے۔
