اسلام آباد:ایران کے وزیر خارجہ حسین امیر عبداللہیان نے وزیر خارجہ جلیل عباس جیلانی کو ٹیلی فون کیا اور ایرانی قیادت اور عوام کی جانب سے پاکستان کے پارلیمانی انتخابات 2024 کے کامیاب انعقاد پر نگراں حکومت کو مبارکباد دی۔
وزیر خارجہ جیلانی نے ایران کے برادر عوام کی جانب سے تہنیتی خواہشات کو سراہا۔
دونوں وزرائے خارجہ نے پاکستان اور ایران کی حکومتوں کے ساتھ ساتھ عوام کے درمیان قریبی برادرانہ تعلقات پر بھی روشنی ڈالتے ہوئے باہمی دلچسپی کے تمام شعبوں میں دوطرفہ تعاون کو مزید مضبوط بنانے کے عزم کا اعادہ کیا۔
اس ماہ کے شروع میں ایرانی وزیر خارجہ کے دورہ پاکستان کے بعد سے دونوں ممالک نے سرکاری مصروفیات کو مکمل طور پر بحال کر دیا ہے۔
