اسلام آباد: الیکشن کمیشن نے آصف زرداری، بلاول بھٹو سمیت مزید 37 امیدواروں کی انتخابات میں کامیابی کے نوٹیفکیشن جاری کردیے۔
عام انتخابات میں کامیاب ہونے والے امیدواروں کے حتمی نتائج کے نوٹیفکیشن بتدریج جاری کیے جا رہے ہیں، اسی حوالے سے ای سی پی نے بلاول بھٹو اور آصف زرداری سمیت مزید 37 نشستوں پر الیکشن جیتنے والے امیدواروں کے نوٹی فکیشن جاری کردیے ہیں۔
حلقہ این اے 190 سے 224 تک تمام نشستوں پر کامیاب ہونے والے امیدواروں کے نوٹیفکیشن کا اعلان کردیا ہے اس کے علاوہ حلقہ 226 اور 228 کی نشستوں پر الیکشن لڑنے والے امیدواروں کے نوٹی فکیشن علیحدہ جاری کیے گئے ہیں۔
