کراچی : قومی اسمبلی کی 21نشستوں پر کامیاب امیدواروں کا نوٹیفکیشن جاری کر دیا گیا۔
ایم کیوایم کے 14اور پیپلز پارٹی کے 7امیدواروں کی کامیابی کا نوٹیفکیشن جاری کیا گیا ہے تاہم این اے 238کا نوٹیفکیشن جاری نہیں کیا گیا۔حلقہ این اے 229سے پی پی کے جام عبدالکریم بیجار، حلقہ این اے 23سے پیپلز پارٹی کے سید رفیع اللہ اور حلقہ این اے 231سے پیپلز پارٹی کے عبدالحکیم بلوچ کی کامیابی کا نوٹیفکیشن جاری کر دیا گیا۔
حلقہ این اے 232سے ایم کیو ایم کی امیدوار آسیہ اسحاق، حلقہ این اے 233سے محمد جاوید حنیف خان، این اے 234کورنگی سے محمد معین عامر پیرزادہ، حلقہ این اے 235سے محمد اقبال خان، حلقہ این اے 236سے حسان صابر، این اے 237سے اسد عالم نیاری جبکہ این اے 239سے سردار نبیل کی کامیابی کا گزٹ نوٹیفکیشن جاری کیا گیا۔
حلقہ این اے 240سے اسد عبدللہ، این اے 241سے مرزا افتخار بیگ، حلقہ این اے 242سے سید مصطفی کمال، این اے 243سے قادر پٹیل اور این اے 244سے فاروق ستار کی کامیابی نوٹیفکیشن جاری کیا گیا۔واضح رہے کہ گزشتہ روز سندھ ہائی کورٹ نے کراچی سے قومی اور صوبائی اسمبلی کے 40حلقوں کے انتخابی نتائج کے خلاف درخواستوں پر فیصلہ سنایا تھا۔
سندھ ہائی کورٹ نے کہا تھا کہ الیکشن کمیشن 22 فروری تک تمام درخواستوں پر فیصلہ کرے، اصل بات یہ ہے کہ الیکشن کمیشن کی گڈ وِل ہونی چاہیے۔
