راولپنڈی: نامعلوم افراد پولنگ اسٹیشن سے بیلٹ پیپرز چھین کر فرار ہو گئے جب کہ آج کراچی میں بھی ایسا ہی واقعہ پیش آ چکا ہے۔
نجی ٹی وی کی رپورٹ کے مطابق نامعلوم افراد قومی اسمبلی کے حلقہ 51 کے پولنگ اسٹیشن سے انتخابی عملے سے سامان اور بیلٹ پیپرز چھین کر فرار ہو گئے۔ واقعہ پولنگ اسٹیشن نمبر 67 تھانہ پھگواڑی مری کی حدود میں پیش آیا۔
پولیس نے اطلاع ملنے پر نامعلوم افراد کی تلاش شروع کردی ہے جب کہ دیگر متعلقہ حکام بھی موقع پر پہنچے ہیں۔
