خضدار:چیئرمین پیپلز پارٹی بلاول زرداری نے کہا ہے کہ دہشت گرد سمجھتے ہیں میں بچہ ہوں اور ڈر جاوں گا تو یہ ان کی بھول ہے، ایک بار پھر میری پارٹی دہشت گردوں کے نشانے پر ہے۔
بلاول کا کہنا تھا کہ وہ سمجھتے ہیں کہ ہم ان کی تشدد، ان کی نفرت اور تقسیم کی وجہ سے خوفزدہ ہو جائے گے، وفاق کی 17 وزارتیں ختم کر کے 300 ارب روپے عوام پر خرچ کروں گا، ایک ہزار ارب روپے کی اشرافیہ کو سبسڈی دی جاتی ہے۔
چیئرمین پیپلزپارٹی نے کہا کہ وعدہ کرتا ہوں، ملازمین کی تنخواہ دگنی کروں گا، ایک شخص کہتا ہے 2013 میں لوڈشیڈنگ ختم کی، لوڈشیڈنگ ختم کرنے کے دعوے پر ہنسی آتی ہے، لوڈشیڈنگ صرف رائے ونڈ میں ختم ہوئی، ملک میں تو آج بھی اندھیرا ہے۔
