اسلام آباد: پیپلز پارٹی کے رہنماء سلیم مانڈوی والا قومی اسمبلی کے حلقہ این اے 240 کراچی سے الیکشن میں حصہ لیں گے۔
سینیٹر سلیم مانڈوی والا نے کہا ہے کہ الیکشن کا وقت بڑا کم ہے،پانچ چھ مہینے ملتے تو صحیح تیاری ہوتی، اب تو جتنا وقت ہے اسی طریقے سے الیکشن کی تیاری ہو رہی ہے، میرا حلقہ این اے 240 کراچی ہے۔
انہوں نے کہا کہ لیول پلیئنگ فیلڈ کے حوالے سے کوئی ایسا مسئلہ نظر نہیں آیا، ووٹ تو ہم سب سیاسی جماعتوں کے ورکرز سے بھی مانگتے ہیں، یہ تو پی ٹی آئی کے ووٹرز کی مرضی ہے کہ وہ کس کو ووٹ دینا چاہتے ہیں، اگر ان کا امیدوار صحیح نہیں ہے تو ان کے پاس آپشن ہے کہ کسی اور کو ووٹ دیں۔
