اسلام آباد:پاکستان سپر لیگ(پی ایس ایل)سیزن 9کے سپلیمنٹری اور ری پلیسمنٹ ڈرافٹ میں منتخب کھلاڑیوں کا اعلان کر دیا گیا ہے۔
پی ایس ایل 9کے لیے ری پلیسمنٹ کیٹیگری میں پشاور زلمی نے مکمل عد م دستیاب لونگی اینگیڈی اور نور احمد کی جگہ وقار سلام خیل اور گس اٹکنسن کو پک کیا۔
زلمی نے جزوی دستیاب خرم شہزاد کی جگہ ارشد اقبال جبکہ نوین الحق کے ری پلیسمنٹ کو ریزرو رکھا،لاہورقلندرزنے جزوی دستیاب ڈین لارنس کی جگہ اور مکمل عد م دستیاب راشد خان کی ری پلیسمنٹ ریزرو کردیں،ری پلیسمنٹ کیٹیگری میں کراچی کنگز نے جزوی دستیاب کیرون پولارڈ کی جگہ زاہد محمود اورٹم سیفرٹ کی ری پلیسمنٹ ریزرو کر دی،۔
We're thrilled 🥳 to introduce the fresh wave 🌊 of talent picked in the HBL PSL 9 Replacement Draft! 🏏
Read more here: https://t.co/PSHi0FpOWP#HBLPSL9 pic.twitter.com/xMO9EC9m3h
— PakistanSuperLeague (@thePSLt20) January 29, 2024
اس کے علاوہ کوئٹہ گلیڈی ایٹرز نے سری لنکا کی سیریز کی وجہ سے جزوی دستیاب وانندو ہسارانگا کی جگہ بسم اللہ خان اور اسلام آباد یونائیٹڈ نے مکمل عدم دستیاب ٹام کرن کی ری پلیسمنٹ ریزرو کردی،دوسری جانب سپلیمنٹری ڈرافٹ میں پشاور زلمی نے لوک ووڈ اور سفیان مقیم، اسلام آباد یونائیٹڈ نے اوبد مک کوئے اور حیدرعلی،لاہور قلندرز نے بھانوکا راجاپکسا اور طیب عباس کو اسکواڈ میں شامل کیا۔
ملتان سلطانز نے سپلیمنٹری ڈرافٹ میں جانسن چارلس اور محمد شہزاد ، کراچی کنگز نے لیوئس ڈی پلوئے اور محمد روہدکو اسکواڈ میں شامل کیا۔اس کے علاوہ کوئٹہ گلیڈی ایٹرز نیسپلیمنٹری کیٹیگری کے پہلے رائونڈ میں لاری ایونز کو شامل کیا جبکہ دوسری پک ریزرو کر دی۔
