پنجاب پولیس نے ڈیرہ غازی خان میں دہشت گردوں کے حملے ناکام بنا دیے

ویب ڈیسک -
380

ڈیرہ غازی خان:پنجاب کے علاقے ڈیرہ غازی خان میں  پولیس کی چوکی پر دہشت گردوں کے حملے کو پنجاب پولیس کے اہلکاروں نےناکام بنا دیا۔

آئی جی پنجاب عثمان انور کی جانب سے جاری ویڈیو کے مطابق جھنگی میں پولیس چیک پوسٹ پر رات گئے دہشت گردوں نے حملہ کیا۔

تاہم، چوکی پر ڈیوٹی پر موجود پولیس اہلکاروں نے دہشت گردوں کو مؤثر طریقے جواب دیا جس سے  دہشت گردوں کو پیچھے ہٹنا پڑا۔

آئی جی نے ویڈیو میں واقعے کا تھرمل اسکین بھی دکھایا۔ تاہم ابھی تک دونوں طرف سے کسی جانی نقصان کی اطلاع نہیں ملی ہے۔

عثمان انور نے کامیاب آپریشن کی وجہ پولیس اہلکاروں کی لگن اور جدید ٹیکنالوجی کے استعمال کو قرار دیا۔

انہوں نے یہ بھی کہا کہ پولیس صوبے کی حدود میں تمام چوکیوں پر ہائی الرٹ ہے تاکہ اس قسم کا کوئی واقعہ رونما نہ ہو۔ انہوں نے صوبے میں قیام امن کے عزم کا بھی اظہار کیا۔

مزید خبریں