ن  لیگ پوری طاقت سے پی ٹی آئی  کارکنان سے انتقام لے رہی ہے، بلاول

لاہور: چیئرمین پی پی نے کہا کہ مسلم لیگ ن پوری طاقت اور دہشت کے ساتھ تحریک انصاف کے کارکنان سے انتقام لے رہی ہے، ہم نے ہمیشہ انتقامی سیاست کی مخالفت اور سیاسی قیدیوں کی رہائی کی بات کی ہے، تحریک انصاف کے نوجوان الیکشن میں ضرور ووٹ ڈالیں، پی ٹی آئی  کی طرح پی پی نے بھی ن لیگ کے ظلم برداشت کیے ہیں۔

چیئرمین پیپلز پارٹی  بلاول زرداری نے کہا ہے کہ اقتدار میں آنے کے بعد 17وزارتیں اور اشرافیہ کو دی جانے والی سبسڈی بند کرکے ہونے والی بچت کو عوام پر خرچ کریں گے۔

انہوں نے کہاکہ آخر کب تک پنجاب پر کبھی شوباز تو کبھی وسیم اکرم پلس کو مسلط کرکے لاہور کو سزا دی جاتی رہے گی؟ مجھے وزیراعظم بنوایا تو آپ کی تنخواہیں پانچ سال میں ڈبل کردیں گے۔ سولر پینل کے ذریعے 300یونٹس تک بجلی مفت کردیں گے۔