مسقط:جرمنی نے اولمپک ہاکی کوالیفائر کے سیمی فائنل میں پاکستان کو 4-0 سے شکست دے دی۔
خبر رساں اداروں کے مطابق ایونٹ کے سیمی فائنل میچ میں پاکستان کے خلاف جرمن ٹیم نے شروع ہی سے جارحانہ کھیل کا مظاہرہ کیا جب گیارہویں منٹ میں ٹام گریمبوچ کی جانب سے پہلا گول اسکور کیا گیا۔
بعد ازاں دوسرے کوارٹر میں نکلس ویلن نے ٹیم کے لیے دوسرا گول کردیا۔ تیسرے کوارٹر میں جرمنی نے مزید 2 گول اسکور کرلیے، جو جسٹوس ویگنڈ اور نکلس ویلن نے اسکور کیے۔ چوتھے اور آخری کوارٹر میں دونوں ٹیمیں کوئی گول نہ کرسکیں۔
اس طرح جرمنی نے سیمی فائنل میں 4-0سے مقابلہ جیت کر فائنل میں جگہ بنالی۔
