کراچی: پولیس نے مبینہ مقابلوں کے دوران 3 زخمیوں سمیت 5 ملزمان کو گرفتار کرلیا۔
تفصیلات کے مطابق عوامی کالونی پولیس نے کورنگی نمبر پانچ میں مبینہ مقابلے کے بعد 2 ڈکیتوں کو زخمی حالت میں گرفتار کرلیا، ملزمان سے اسلحہ، موبائل فون اور موٹرسائیکل برآمد کی گئی۔
رپورٹس کے مطابق سائیٹ سپر ہائی وے احسن آباد میں فائرنگ کے تبادلے کے بعد ایک ملزم کو زخمی حالت میں گرفتار کرکے اسلحہ اور موبائل فونز بر آمد کیے گئے جبکہ ملزم کا ساتھی فرار ہوگیا۔
واضح رہے کہ شاہ لطیف ٹاون پولیس نے 2 ملزمان کو گرفتار کرکے چرس اور گٹکا بر آمد کرلیا۔
