بیجنگ: چین میں کوئلے کی کان میں دھماکے کے نتیجے میں 10 کان کن ہلاک ہو گئے۔
بین الاقوامی خبر رساں ایجنسی کے مطابق کان بیٹھے کے حادثے میں ہلاک ہونے والوں کے علاوہ 6 کان کن زخمی بھی ہوئے ہیں، جنہیں طبی امداد کے لیے اسپتال منتقل کردیا گیا ہے۔
مقامی ذرائع ابلاغ کا کہنا ہے کہ کان بیٹھنے کا حادثہ چین کے وسطی صوبے ہینان میں پیش آیا۔کوئلے کی کان میں دھماکا کان سے گیس کے غیرمعمولی اخراج کے باعث ہوا۔ دھماکے کے وقت کان میں 425 لوگ موجود تھے۔
دریں اثنا ملبے تلے دبے کان کنوں کی تلاش کے لیے ریسیکو آپریشن جاری ہے۔ حکام نے ہلاکتوں میں اضافے کا خدشہ ظاہر کیا ہے۔
