کراچی: بیرون ملک سے کراچی پہنچنے والے 2 مسافروں میں کوروناکی نئی قسم کی تصدیق ہوگئی، بینکاک اور ابوظہبی سے آنے والے 2 مسافروں کا جے این ون ٹیسٹ مثبت نکلا۔
تفصیلات کے مطابق محکمہ صحت سندھ کو بیرون ملک سے کراچی ائیرپورٹ پہنچنے والے 6 مشتبہ کوویڈ ویرئینٹ مسافروں کی رپورٹ موصول ہوگئی۔
نئے کوویڈ ویرئینٹ جے این ون کی جانچ کے لیے بھیجے گئے 6 مسافروں میں سے 2مسافروں میں کوروناکی نئی قسم کی تصدیق ہوگئی، بینکاک اور ابوظہبی سے آنے والے 2 مسافروں کا جے این ون ٹیسٹ مثبت نکلا۔
ترجمان محکمہ صحت سندھ کا کہنا تھا کہ جے این ون ویریئنٹ کا شکار ایک 26 سالہ مسافر کا تعلق بلوچستان کے علاقے کیچ سے اور دوسرے 53 سالہ مسافر کا آبائی تعلق سانگھڑ جبکہ رہائش قاسم آباد حیدرآباد کی ہے۔دونوں مسافروں کو سختی سے گھروں میں قرنطینہ کی ہدایت کردی گئی ہیں۔
