لسبیلہ: میں مسافر بس کو حادثہ پیش آ گیا جس کے نتیجے میں 2 افراد جاں بحق جبکہ 10 زخمی ہو گئے ہیں۔
تفصیلات کے مطابق مسافر بس کو افسوسناک حادثہ مشکے سے کراچی جاتے ہوئے لسبیلہ کے علاقے کراڑو کے مقام پر پیش آیا۔
زرائع کے مطابق حادثے میں 2 افراد موقع پر دم توڑ گئے جبکہ 10 افراد شدید زخمی ہوئے، زخمیوں میں خواتین اور بچے بھی شامل ہیں۔
حادثے کی اطلاع ملنے کے بعد ریسکیو ٹیم موقع پر پہنچ گئی، لاشوں اور زخمیوں کو ہسپتال منتقل کر دیا گیا جہاں زخمی ہونے والوں کو طبی امداد دی جا رہی ہے۔
واضح رہے کہ پولیس نے جائے حادثہ کا جائزہ لینے کے بعد تفتیش شروع کر دی۔
