کراچی: شہرقائد کے علاقے گلزار ہجری میں بسم اللہ ٹاور کی دکانوں میں آگ لگ گئی، آگ جس عمارت میں لگی وہاں گراؤنڈ فلور پر دکانیں اور بالائی منزلوں پر اپارٹمنٹ ہیں۔
میڈیا رپورٹس کے مطابق بسم اللہ ٹاور کی دکانوں میں آگ لگتے ہی فائربریگیڈ کو کال کردی گئی تھی، فوری طور پر فائربریگیڈ کی 2گاڑیاں پہنچ گئیں ہیں، جو آگ بجھانے کا کام کررہی ہیں، آگ لگتے ہی اپارٹمنٹ کے رہائشیوں سے گھر خالی کروالیے گئے ہیں،اب تک 3 افراد کے زخمی ہونے کی اطلاع ہے، جنہیں فوری طبی امداد کے لیے قریبی اسپتال میں منتقل کردیا گیا ہے۔
عمارت میں آگ لگتے ہی ریسکیو کی درجنوں گاڑیاں بسم اللہ ٹاور پر پہنچ گئیں، لوگوں نے اپنی مدد آپ کے تحت آگ بھجانے کا کام کیا، فائربریگیڈ کی گاڑی آنے کے بعد عوام نے استغفار کا ورد کرتے ہوئے مقامی رہائشیوں نےآگ بجھانے کے لیے فائرمینوں کی رہنمائی کی۔
