کراچی(رپورٹ:منیر عقیل انصاری) کراچی پریس کلب کے سالانہ انتخابات برائے سال2024ءکے لیے چیئرمین الیکشن کمیٹی ڈاکٹر توصیف احمد خان نے شیڈول جاری کر دیا ہے۔
چیئرمین الیکشن کمیٹی کے شیڈول کے مطابق صدر،نائب صدر،خزانچی،سیکرٹری،جوائنٹ سیکر ٹری،اور گورننگ باڈی کی7 نشستوں کے لیے کاغذات نامزدگی کے فارم19دسمبربروز منگل،شام 4 تا7 بجے کراچی پریس کلب میں جمع کرائے جائیں گے۔ 20دسمبر بروز بدھ شام 4تا5 بجے کاغذات نامزدگی کے لیے جمع ہونے والے فارم کا جائزہ لیا جائے گا،فارم کی جانچ پڑتا ل 21دسمبر بروز جمعرات شام 5بجے تک ہوگی۔
ابتدائی فہرست22دسمبر بروز جمعہ شام 5بجے کراچی پریس کلب کے نوٹس بورڈ پر آویزاں کی جائے گی، اعتراضات پر سماعت 23دسمبر بروز ہفتہ شام 4تا5بجے تک ہوگی ۔ حتمی فہرست24دسمبر بروز اتوارشام5نوٹس بورڈ پر آویزاں کی جائے گی۔
انتخابی عمل سے امیدواروں کی دستبر داری26 دسمبر بروز منگل شام4تا7 بجے اور حتمی فہرست کا اجراءبھی26 دسمبر بروز منگل شام 7بجے کی جائے گی۔
کراچی پریس کلب کے سالانہ انتخابات2024 کے لیے پولنگ30دسمبر2023 بروزہفتہ صبح9 تا شام 5 بجے بغیر کسی وقفے کے کراچی پریس کلب میں ہو گی۔
