لاہور: پاکستان سپر لیگ کے نویں ایڈیشن (پی ایس ایل 9) کا شیڈول ملک میں عام انتخابات کے باعث تبدیل کردیا گیا ہے۔
نجی ٹی وی کی رپورٹ کے مطابق پی سی بی ذرائع نے کہا ہے کہ ملک میں الیکشن کی وجہ سے ایچ بی ایل پی ایس ایل 9 کے شیڈول میں رد و بدل کیا گیا ہے، جس کے مطابق افتتاحی تقریب اب 13 فروری کو لاہور میں منعقد ہوگی جب کہ ایونٹ کا فائنل 19 مارچ کو کراچی میں کھیلا جائے گا۔
قبل ازیں پی ایس ایل 9 کے شروع ہونے کی تاریخ 8 فروری تھی، جب کہ الیکشن کمیشن نے بھی صدر مملکت کی مشاورت کے بعد ملک میں عام انتخابات کی تاریخ 8 فروری ہی مقرر کی تھی۔
