لاہور:پاکستان سپر لیگ ( پی ایس ایل) 9 میں نئی تاریخ رقم ہوگئی، قومی کرکٹ ٹیم کے فاسٹ بالر نسیم شاہ کے مزید 2 بھائی بھی اسلام آباد یونائیٹڈ میں شامل ہوگئے۔
میڈیا رپورٹس کے مطابق اسلام آباد یونائیٹڈ نے ایک نئی تاریخ رقم کرتے ہوئے اپنی ٹیم میں ایک ہی گھر کے تین افراد کو منتخب کرلیا ہے، تینوں بھائی ہی فاسٹ بالر ہیں، پی ایس ایل میں یہ پہلی بار ہوا ہے کہ ایک خاندان کے 3 افراد ایک ہی ٹیم کا حصہ ہیں۔
یاد رہے کہ پی ایس ایل 9 کے پلیئرز ڈرافٹ کی تقریب منعقد ہوئی، پاکستان سپر لیگ کے نویں ایڈیشن 2024 کیلئے ٹیموں کی تشکیل مکمل کی گئی، جس میں فرنچائزز کے مالکان، چیئرمین پی سی بی منیجمنٹ کمیٹی ذکا اشرف اور کرکٹرز نے شرکت کی۔پاکستان سپر لیگ 9 کے سلسلے میں جہاںڈرافٹنگ کے دوران فرنچائزز نے بڑے ناموں کو منتخب کیا۔
خیال رہے کہ نسیم شاہ نے گلیڈی ایٹرز کو خیرباد کر کے اسلام آباد یونائیٹڈ کا حصہ بن گئے۔نسیم شاہ کے چھوٹے بھائی حنین شاہ نے نیشنل ٹی ٹوئنٹی کپ میں دھوم مچائی جبکہ عبید شاہ پاکستان انڈر 19 میں شامل ہیں جو اس وقت دبئی میں ایشیا کپ کھیل رہی ہے۔
