لاہور: پاکستان مسلم لیگ نواز (پی ایم ایل این) کے صدر و سابق وزیر اعظم نواز شریف 13 نومبر سے بلوچستان کا دورہ کریں گے ۔
لندن میں تقریباً چار سال قیام کے بعد گزشتہ ماہ واپس آنے والے نواز شریف مسلم لیگ ن بلوچستان کی قیادت سے ملاقاتیں کریں گے۔
ذرائع نے بتایا کہ بلوچستان عوامی پارٹی (بی اے پی) کے کئی رہنما اور کچھ دیگر ممتاز بلوچ رہنما مسلم لیگ ن میں شامل ہونے کا امکان ہے۔
ذرائع نے بتایا کہ بی اے پی کے کچھ رہنماؤں نے کوئٹہ میں سابق اسپیکر اور مسلم لیگ ن کے رہنما ایاز صادق سے ملاقات کی۔
ذرائع نے بتایا کہ ‘بلوچستان کے رہنماؤں نے پارٹی میں شمولیت کے لیے مسلم لیگ ن کی اعلیٰ قیادت کی آمد کی شرط رکھی ہے’۔
انہوں نے نواز شریف، شہباز شریف یا مریم نواز کی کوئٹہ آمد کا مطالبہ کیا ہے۔
میڈیا رپورٹس کے مطابق اگست میں یہ بھی اطلاع دی تھی کہ بلوچستان عوامی پارٹی (بی اے پی) کے متعدد رہنماؤں کے مسلم لیگ ن کی صفوں میں شامل ہونے کا امکان ہے۔
شہباز شریف سے ملاقات کرنے والے بی اے پی رہنماؤں میں صوبائی وزرا، سینیٹرز اور ایم پی اے شامل تھے۔
