اسلام آباد: سابق وزیراعظم نواز شریف لاہور کے علامہ اقبال انٹرنیشنل ایئرپورٹ کی بجائے اسلام آباد انٹرنیشنل ایئرپورٹ پر اتریں گے،پلان میں تبدیلی کر دی گئی ہے۔
پاکستان مسلم لیگ نواز کے صدر و سابق وزیراعظم نواز شریف 2019 سے خود ساختہ جلا وطنی میں ہیں،طبی بنیادوں پر اپنی سات سال کی قید کے وسط میں لندن روانہ ہوئے۔اس وقت سعودی عرب میں ہیں اور وہ 21 اکتوبر کو دبئی کے راستے پاکستان روانہ ہوں گے۔
اس پیشرفت سے باخبر ذرائع نے آج انکشاف کیا ہے کہ پاکستان مسلم لیگ نواز (پی ایم ایل-این) سپریمو اب خصوصی پرواز FZ-4525 سے دوپہر 1:00 بجے اسلام آباد پہنچیں گے۔
اس سے قبل یہ بات سامنے آئی تھی کہ مسلم لیگ ن کے سپریمو 21 اکتوبر کو لاہور ایئرپورٹ پر اتریں گے اور مینار پاکستان پر جلسے سے خطاب کریں گے۔
