کراچی: علاقے صدر میں زینب مارکیٹ کے قریب تیز رفتار مسافر بس الٹ جانے سے دو خواتین سمیت چار افراد زخمی ہوگئے۔
ریسکیو حکام کے مطابق زخمیوں کو جناح ہسپتا ل منتقل کردیا گیا ۔زرائع نے کہا کہ حادثے کے نتیجے میں دو خواتین سمیت چارافراد زخمی ہوئے ہیں۔
واقعے کی اطلاع ملتے ہی ٹریفک پولیس اہلکار بھی موقع پر پہنچ گئے، جبکہ بس الٹے کے باعث ٹریفک بھی جام ہوگئی۔حادثے کا شکار ہونے والی بس کو لفٹر کی مدد سے ہٹا دیا گیا ہے، ٹریفک کو کنٹرول کرنے کے لیے ٹریفک پولیس اہلکار موقع پر موجود ہیں۔
ٹریفک پولیس کا کہنا ہے کہ بس الٹنے کے باعث ٹریفک جام ہوا تھا لیکن زینب مارکیٹ اور گورنر ہائوس کے اطراف ٹریفک کی روانی بحال ہوگئی۔
