راولپنڈی : چیف آف جنرل حافظ عاصم منیر نے کوئٹہ کا دورہ کرتے ہوئے مستونگ دھماکے میں زخمی ہونے والے افراد سے ملاقات کرکے خیریت دریافت کی۔
پاک فوج کے ترجمان شعبہ تعلقات عامہ ( آئی ایس پی آر ) کے مطابق آرمی چیف نے زخمی ہونے والے افراد سمیت اُن کے اہل خانہ سے ملاقات کرکے علاج کے لیے مکمل تعاون فراہم کرنے کی یقین دہانی کرائی ۔
آئی ایس پی آر کے مطابق اس موقع پر حافظ عاصم منیر کو مستونگ سمیت دیگر دھماکوں کے حوالے سے مکمل بریفنگ دیتے ہوئے حالیہ دہشت گردی کے واقعات کے حوالے سے بھی آگاہ کیا گیا۔
آرمی چیف نے پولیس اور سیکیورٹی اداروں کے اہلکاروں کی بہادری کو سراہاتے ہوئے کہا کہ پاک فوج کے جوانوں اور قانون نافذ کرنے والے اداروں کی مدد سے دہشت گردی کو جڑ سے اکھاڑ پھینکے گے۔
انہوں نے کہاکہ پاکستانی عوام نے دہشت گردوں کے نظریے اور اُن کے پشت پناہوں کو مستردکردیا ہے، پاکستانی عوام اور پاک فوج مل کر وطن کی حفاظت کرتے رہے ہیں گے۔
