نئی دہلی: پاکستانی ٹیم کے ورلڈ کپ میں شرکت کے لیے پہنچتے ہی بھارت میں روایتی اوچھی حرکتیں شروع کردی گئی ہیں اور ٹیم یا پاکستان سے متعلق طنزیہ جملے بازی کا بازار گرم ہے۔
Hamari mehman Nawazi se surprise hai kaafi log. We are the best HOST in every scope of life not just cricket. That’s how we are as a nation and ppl. All the counties came to play World Cup will have most memorable tournament. #WorldCup2023
— Irfan Pathan (@IrfanPathan) September 28, 2023
خبر رساں اداروں کے مطابق پاکستان اور بھارت کی ٹیمیں روایتی حریف ہیں اور ہمیشہ سے ان کے میچ سے متعلق بھارت سے زہر اگلا جاتا رہا ہے، جس کا تسلسل حالیہ ورلڈ کپ میں بھی نظر آ رہا ہے۔ قومی ٹیم گزشتہ روز دبئی کے راستے حیدر آباد دکن پہنچی، جس کے بعد نہ صرف بھارتی میڈیا بلکہ بھارت کی اہم شخصیات اور کرکٹرز بھی پاکستان یا پاکستانی ٹیم سے متعلق طنزیہ جملے کستے نظر آ رہے ہیں۔
Asia cup me ajaaty to hmari mehman nawazi bhi deekh leety tm log😉 https://t.co/KRj2iBUehb
— “”KHAN “” (@Jaan_Hona_Apki) September 28, 2023
حالیہ واقعے میں بھارت کے سابق کرکٹر اور کمنٹیٹر عرفان پٹھان نے سماجی رابطوں کی ویب سائٹ ایکس (سابقہ ٹوئٹر) پر پیغام جاری کرتے ہوئے کہا کہ ہماری مہمان نوازی سے کچھ لوگ حیران ہیں۔ انہوں نے اپنی بات جاری رکھتے ہوئے مزید کہا کہ ہم صرف کرکٹ میں ہی نہیں بلکہ زندگی کے تمام شعبوں میں بہترین میزبانی کرتے ہیں۔ عرفان پٹھان نے کہا کہ ورلڈ کپ 2023ء میں شرکت کے لیے آنے والی تمام ممالک کی ٹیموں کے لیے یہ ٹورنامنٹ یادگار ہوگا۔
سابق بھارتی کرکٹر کے طنزیہ ٹوئٹ کے جواب میں صارفین نے بھی انہیں آڑھے ہاتھوں لیتے ہوئے یاد کروایا کہ ان کا مہمان نوازی کا دعویٰ غیر حقیقی اور محض دکھاوے کے سوا کچھ نہیں۔ ایک صارف نے عرفان پٹھان کو یاد دلایا کہ پاکستانی ٹیم کے حیدر آباد پہنچنے پر وہاں پاکستانی چاچا بشیر نے استقبال کے لیے ائرپورٹ پر پاکستانی جھنڈا لیے نعرے لگائے، جسے بھارتی سیکورٹی اہل کاروں نے جھنڈا لہرانے سے روک دیا تھا۔
Did you forget Karachi test’05 where you get hattrick against us? Didn’t crowd appreciated & applauded for you? Mehman nawazi to bht tagri ki thi ap k us poore tour pe jha b ap gye izat Mili, don’t understand why you become so toxic, ap k caliber ko ye chezain match ni krti! https://t.co/Pa3gogFow0
— عادل ملک (@aadimalik10) September 28, 2023
ایک اور صارف نے عرفان پٹھان کو آئینہ دکھاتے ہوئے کہا کہ بھارت اگر ایشیا کپ کے لیے آتا تو وہ ہماری مہمان نوازی بھی دیکھ لیتا۔
ایک اور صارف نے عرفان پٹھان کی یادداشت کو جگاتے ہوئے کہا کہ آپ شاید کراچی کا وہ ٹیسٹ میچ بھول گئے جب آپ نے ہیٹرک کی تھی تو وہاں موجود شائقین نے آپ کو کتنی داد دی تھی۔ صارف نے کہا کہ سمجھ نہیں آتا کہ آپ اتنے زہریلے کیوں ہو جاتے ہیں۔
