ایشین گیمز میں بھارت کو پاکستان کے ہاتھوں مینز اسکواش ٹورنامنٹ میں شکست کا سامنا کرنا پڑ ا۔
خبر رساں اداروں کے مطابق چینی شہر ہانگزو میں جاری ایشین گیمز کے مینز اسکواش ٹورنامنٹ میں پاکستانی ٹیم نے بھارت کو 2-1 سے شکست دے دی۔
ایشین گیمز کے مینز اسکواش ٹورنامنٹ میں نور زمان نے ابھی سنگھ کو 1-3 سے شکست دے کر پاکستان کو سبقت دلوائی جب کہ عاصم خان بھارتی حریف سریو گوشل سے 3-0 سے ہار گئے۔ فیصلہ کن میچ میں قومی نمبر 1 ناصر اقبال نے مہیش موگا اوکر کو دلچسپ مقابلے کے بعد 1-3 سے ٹھکانے لگا کر پاکستان کو فتح دلوادی۔
قبل ازیں پول اے میں پاکستان نے سنگاپورکو باآسانی 0-3 سے ٹھکانے لگایا۔
دوسری جانب پاکستان ویمنز نے نیپال کو 0-3 سے مات دی، نورالعین،نورالہدیٰ اور مہوش علی نے کسی دقت کے بغیر اپنے میچز جیت لیے۔
