اسلام آباد ہیومن رائٹس کیشن آف پاکستان نے نگراں وزیراعظم انوار الحق کاکڑ کے چیئرمین پی ٹی آئی سے متعلق بیان پر تنقید کی ہے۔
نجی ٹی وی کی رپورٹ کے مطابق ایچ آر سی پی نے کہا ہے کہ نگراں وزیراعظم انوار الحق کاکڑ کی طرف سے ایسا بیان کہ سابق وزیراعظم عمران خان اور پی ٹی آئی کے دیگر کارکنوں کے بغیر بھی آزاد اور شفاف الیکشن کا انعقاد ممکن ہے، جمہوریت کے خلاف ہے۔
HRCP takes strong exception to Prime Minister Anwaarul Haq Kakar’s claim that fair elections are possible without senior PTI leaders, including the chairperson Imran Khan, who is currently incarcerated in a graft case, and other leaders who were jailed following the 9 May riots.… pic.twitter.com/Qj6cQJY2AK
— Human Rights Commission of Pakistan (@HRCP87) September 25, 2023
ایچ آر سی پی نے بیان کو غلط فیصلہ اور غیر جمہوری قرار دیتے ہوئے کہا کہ چیئرمین پی ٹی آئی اور ان کی جماعت کے دیگر رہنماؤں کے خلاف جو بھی کیسز ہیں، وہ عدالتوں میں زیر سماعت ہیں، انہیں جرم سمجھنا یا قرار دینا عدالتوں ہی کا کام ہے۔
کمیشن کی جانب سے پاکستان تحریک انصاف کے صدر پرویز الٰہی کے ساتھ جاری رویے، جس میں انہیں عدالت کی جانب سے رہائی کے احکامات کے باوجود کئی بار گرفتار کیا جا چکا ہے، کی بھی مذمت کی۔ کمیشن نے کہا کہ آزاد اور شفاف الیکشن کا انعقاد الیکشن کمیشن کی ذمے داری ہے۔ نگراں حکومت کو غیر جمہوری اور غیر ذمے دارانہ بیان بازی سے اجتناب کرنا چاہیے۔
