اسلام آباد:سپریم کورٹ آف پاکستان میں چیف جسٹس قاضی فائز عیسی کے پہلے تین دن میں 56فیصد کیسز نمٹا دیے گئے،عدالتِ عظمی میں 19سے 21ستمبر تک 313کیسز سماعت کے لیے مقرر ہوئے۔
میڈیا رپورٹس کے مطابق سپریم کورٹ کے 5بینچز نے 313میں سے 174کیسز نمٹائے، چیف جسٹس قاضی فائز عیسی کے بینچ نے 49میں سے 23کیسز نمٹائے، جسٹس سردار طارق کے بینچ میں 87میں سے 70کیسز کا فیصلہ ہوا، جسٹس اعجازالاحسن کے بینچ میں 54میں سے 25کیسز نمٹائے گئے۔
جسٹس یحیی آفریدی کے بینچ میں 75میں سے 35کیسز نمٹائے گئے جبکہ جسٹس جمال مندوخیل کے بینچ میں 48میں سے 22کیسز نمٹائے گئے۔
