عمان:سلطنت عمان میں کرکٹ میچ کے دوران پاکستانی کھلاڑی گرِ کر جاں بحق ہو گیا۔
عمانی میڈیا کے مطابق 25اگست جمعہ کو ایک غیر سرکاری آفٹرنون لیگ میچ کے دوران پاکستان سے تعلق رکھنے والے ایک کرکٹر اچانک چل بسے جس پر کرکٹ برادری اور پاکستانی کمیونٹی صدمے میں ہے،متوفی محمد جعفر کی عمر 38تھی جو MOCLکے زیر اہتمام الحیل میں ماڈرن الیون ٹیم کے لیے ٹینس بال لیگ ٹورنامنٹ کھیل رہا تھے۔
ایک عینی شاہد اور ٹیم کے ساتھی غلام عباس نے کہا کہ جعفر آوٹ ہونے کے بعد پویلین میں واپس آئے اور کرسی پر بیٹھ گئے اور پانی مانگتے ہوئے اچانک گرِ گئے،غلام عباس کے بقول میں چند دیگر ساتھیوں کے ساتھ اسے اپنی کار میں الحیل کے قریبی اسپتال لے گیا جہاں ڈاکٹروں نے اس کی جان بچانے کی سرتوڑ کوشش کی تاہم وہ جانبر نہ ہوسکے۔
ڈاکٹرز کا کہناہے کہ جعفر کی موت دل کا دورہ پڑنے سے ہوئی ہوئی،جعفر کا تعلق پاکستان کے شہر گجرات سے ہے اور وہ عمان میں ایک دہائی سے زائد عرصے سے مقیم تھے۔ ان کے پسماندگان میں ان کی والدہ، بیوی اور چار بچے ہیں۔
