لاڑکانہ: شہید بے نظیر بھٹو کرکٹ ٹورنامنٹ 2023 خیر پور ٹائیگرز کو شکت دے کر اگایگل نے جیت اپنے نام کرلی۔
تفصیلات کے مطابق نیشنل یوتھ اسپورٹس اور اسپورٹس ڈپارٹمنٹ گورنمنٹ آف سندھ کی جانب سے شہید بے نظیر بھٹو کرکٹ ٹورنامنٹ 2023 شہید بے نظیر آباد میں منعقد ہوا جس میں 32 ٹیموں نے حصہ لی۔
خیرپور ٹائیگر نے پہلے بیٹنگ کرتے ہوئے 10 اوور میں 108 رن بنائے اگایگل نے 9.4 اوور میں ہی ہدف پورکرکے جیت اپنے نام کی۔ اس ٹورنامنٹ میں پاکستان پیپلز پارٹی سندھ کے عہدیداران اور کاروباری شخصیات نے شرکت کی اور دونوں ٹیموں میں کیش انعامات اور ٹرافی تقسیم کی۔
اس موقع پرتقریب سے خطاب میں نیشنل یوتھ اینڈ اسپورٹس کے چیئرمین جناب افضل احمد نے کہا کہ وہ سیکرٹری اسپورٹس سندھ اور اسپورٹس منسٹر کے بہت شکر گزار ہیں جنہوں نے اس ٹورنامنٹ میں ہمیں سپورٹ کیا اور ہم امید کرتے ہیں کہ ہمیں آیندہ بھی اسی طرح کی سپورٹ ملے گی۔
