نوابشاہ: ٹرین کا ایک اور حادثہ پیش آیا ہے، جس میں مال گاڑی کی 2 بوگیاں پٹڑی سے اتر گئیں اور ٹرین کا نظام معطل ہوگیا۔
خبر رساں اداروں کے مطابق سندھ کے ضلع نوابشاہ میں مال گاڑی کی 2 بوگیوں کے پٹڑی سے اترنے کے نتیجے میں ایک ٹریک بند ہوگیا جس سے ٹرینوں کی آمد و رفت متاثر ہوئی۔
دوڑ ریلوے اسٹیشن کے قریب اپ لائن پر آنے والی مال گاڑی کی 2 بوگیاں پٹڑی سے اتریں۔ میڈیا اطلاعات کے مطابق امدادی کارروائیاں شروع نہ کیے جانے کے باعث ٹرینوں کے آنے جانے کا ایک ٹریک بند ہے۔
یاد رہے کہ چند روز قبل بھی نواب شاہ سرہاری ریلوے اسٹیشن کے قریب ہزارہ ایکسپریس کو حادثہ پیش آیا تھا، جس کے نتیجے میں 10 بوگیاں پٹڑی سے اتریں اور 30 سے زائد مسافر جاں بحق ہوئے تھے۔
