کراچی: شہرقائد کےعلاقے لیاری میں رینجرز کی چوکی پر فائرنگ سے ایک اہلکار شہید ہوگیا۔
تفصیلات کے مطابق فائرنگ کا واقعہ لیاری کی بہار کالونی میں رینجرز چوکی پر پیش آیا ہے۔ فائرنگ سے دلشاد نامی 35 سالہ رینجرز اہلکار شہید ہوا ہے۔
ترجمان سندھ رینجر ز کے مطابق لیاری بہار کالونی الفلاح چوکی کے باہر اسنیپ چیکنگ کے دوران مشتبہ موٹرسائیکل سوار افراد کو روکنے کا اشارہ پر رینجرز اہلکار پر فائرنگ کردی گئی جس سے رینجرز اہلکار لاس نائیک دلشاد شہیدہوگیا۔
ترجمان کا کہنا ہے کہ واقعہ میں ملوث ملزمان کی تلاش جار ی ہے جبکہ ملزمان کی گرفتاری کے لیئے ٹیمیں تشکیل دے دی گئی ہیں۔
