کراچی: شہر قائد میں آئندہ تین روز بوندا باندی اور ہلکی بارش کا امکان ہے۔
محکمہ موسمیات کے مطابق کراچی میں مطلع زیادہ تر ابر آلود رہےگا، جب کہ اتوار اور پیرکو شہر میں تیز ہوائیں چلنے کا امکان ہے۔شہر میں زیادہ سے زیادہ درجہ حرارت 31 سے 33 ڈگری سینٹی گریڈ رہنےکا امکان ہے۔
محکمہ موسمیات کا کہنا ہے کہ بدین،ٹھٹہ ،تھرپاکر میں بوندا باندی یا ہلکی بارش متوقع ہے۔اس کے علاوہ سندھ کے بیشتر مقامات پر موسم گرم اور مرطوب رہنے کا امکان ہے۔
