دوشنبے: پاکستان نے آسٹریلیا کو شکست دے کر انڈر 16 والی بال چیمپئن شپ کے سیمی فائنل کے لیے کوالیفائی کرلیا۔
خبر رساں اداروں کے مطابق سپر 8 راؤنڈ کے پہلے میچ میں پاکستان نے آسٹریلیا کو3-0 سے شکست دی۔پاکستانی ٹیم نے یہ اہم میچ 13-25، 19-25 اور 14-25 سے اپنے نام کیا اور فائنل فور میں اپنی رسائی یقینی بنائی۔
قبل ازیں پہلے راؤنڈ میں پاکستان نے چائنیز تائپے اور دوسرے گروپ میچ میں منگولیا کو شکست دے کر سپر 8 راؤنڈ کے لیے کوالیفائی کیا تھا جب کہ سپر 8 راؤنڈ میں پاکستان اپنا آخری میچ تھائی لینڈ کے خلاف کھیلے گا۔
تھائی لینڈ کو شکست دینے کی صورت میں پاکستان کا سیمی فائنل میں جاپان سے مقابلہ ہوگا اور شکست کی صورت میں پاکستان کو ایران کا سامنا کرنا پڑے گا۔
