گلگت بلتستان: سیاحوں کی ایک گاڑی دریا میں گرنے سے ایک ہی خاندان کے 6 افراد بہہ گئے۔
نجی ٹی وی کے مطابق سیاحت کی غرض سے آنے والوں کا تعلق راجن پور سے تھا، جن کی گاڑی ساسی ویلی کے علاقے حراموش میں دریا میں جاگری، جس کے نیتجے میں ایک ہی خاندان کے 6 افراد پانی میں بہہ گئے۔
ریسکیو 1122 کے رضاکاروں نے ایک شخص کی لاش کو نکال لیا ہے جس کی شناخت محمد تیمور کے نام سے ہوئی ہے جب کہ دیگر افراد کی تلاش کے لیے کارروائی جاری ہے۔ پانی کے تیز بہاؤ کے بہنے والے افراد کی تلاش کا کام مشکلات کا شکار ہے تاہم مقامی ضلعی انتظامیہ کے افسران کی زیرنگرانی ریسکیو آپریشن جاری ہے۔
