کراچی: شہر قائدکے مختلف علاقوں میں موبائل فون سروسز مختلف اوقات میں بند یا متاثر ہونے کی شکایات سامنے آئی ہیں، کراچی کے علاقے اسٹیل ٹاون، گلشنِ حدید، جعفر طیار سوسائٹی میں موبائل فون سروس متاثر ہونے کی شکایات ملی ہیں۔
ملیر 15، فیوچر کالونی، داود چورنگی، زکریا گوٹھ میں موبائل فون سروس کی معطلی کی شکایات سامنے آئی ہیں۔ شاہ لطیف ٹاون، بھٹائی آباد، میمن گوٹھ مین مارکیٹ میں موبائل فون سروس جزوی معطل ہوئی ہے، پیپری اور بن قاسم ٹاؤن سمیت دیگر علاقوں میں بھی موبائل فون سروس متاثر ہونے کی شکایات سامنے آئی ہیں۔
پی ٹی اے حکام کے مطابق 10 محرم تک کراچی کے کچھ علاقوں میں موبائل فون سروس جزوی معطل ہو گی۔پی ٹی اے حکام کا یہ بھی کہنا ہے کہ وزارت داخلہ کی ہدایت پر 10 محرم تک موبائل فون سروس جزوی بند کی جا رہی ہے۔
