نارووال:وفاقی وزیر پلاننگ اینڈ ڈویلپمنٹ احسن اقبال نے کہا ہے کہ ہمارے اور دوسروں میں یہی فرق ہے کہ وہ مرغی اور انڈے دے رہے تھے ہم لیپ ٹاپ دے رہے ہیں یہ فرق ویژن کا ہے۔
آنے والے ہفتوں میں اربوں ڈالر آئیں گے آج پاکستان کو سری لنکا بننے پر کوئی شرط نہیں لگا رہا عوام آئندہ جنرل الیکشن میں صحیح فیصلہ کریں گے تو پاکستان ترقی کرے گا۔
وفاقی وزیر نے کہاکہ آج ہم نے پاکستان کو دوبارہ اس کے مقام پر کھڑا کر دیا ہے۔آج روپیہ مستحکم ہورہا ہے اسٹاک ایکسچینج بہتر ہو رہی ہے پاکستان کی معیشت مضبوط ہو رہی ہے 14 جولائی چشمہ نیو کلئیر پلانٹ پر ساڑھے تین ارب کی چین سرمایہ کاری کر رہا ہے
احسن اقبال نے کہا کہ یو ای ٹی نارووال دنیا کی بہترین یونیورسٹیوں کی کی صف میں کھڑی ہو رہی ہے اس یونیورسٹی سے طلبا انجنئرنگ کر کے گول بنائیں گے۔انہوں نے کہا کہ 2009 میں انجنئرنگ یونیورسٹی کے کیمپس کا خواب دیکھا جو آج پورا ہو گیا انجنئرنگ یونیورسٹی مقناطیس ہے یہاں انڈسٹری بھی لگے گی آپ نے ایک انجنئر کو منتخب کیا اس نے انجنئرنگ یونیورسٹی بنادی اس یونیورسٹی کو لوگ دور دور سے دیکھنے آئیں گے جو سہولت آچکی ہے۔
