تہران: ایران میں ایک تھانے پر خودکش حملے میں پولیس افسران سمیت 6 افراد ہلاک ہو گئے۔
خبر رساں اداروں کے مطابق شورش زدہ جنوبی مشرقی علاقے میں ایک پولیس اسٹیشن پر مسلح افراد اور خودکش حملہ آوروں کے حملے میں 2 پولیس افسران اور 4 حملہ آور مارے گئے۔
ایرانی سرکاری ٹیلی ویژن کی رپورٹ کے مطابق مذکورہ واقعہ صوبہ سیستان-بلوچستان کے دارالحکومت زاہدان میں پیش آیا۔ حملے میں چاروں دہشت گرد اور 2 پولیس اہل کار مارے گئے۔
واضح رہے کہ سیستان-بلوچستان، جو پاکستان اور افغانستان سے متصل اور ایران کے غریب ترین صوبوں میں سے ایک ہے، یہاں سے منشیات کی اسمگلنگ کی جاتی ہے۔
