لاہور: مسلم لیگ ن کی چیف آرگنائزر مریم نواز نے کہا ہے کہ آڈیو لیکس کی تحقیقات کرنے والے کمیشن کو کام سے روک دینا چیف جسٹس کا اعتراف جرم ہے۔
چیف جسٹس کا کمیشن کو کام کرنے سے روک دینا ہی ان کے گناہگار ہونے کا ثبوت اور اعتراف ہے۔ انصاف کی سب سے بڑی کرسی پر براجمان شخص اپنے عہدے کو احتساب سے بچنے کے لیے بے دریغ استعمال کر رہا ہے۔ اگر آپ اور آپ کی ساس کا دامن صاف ہے تو کیا آپ کو قانون کا سامنا نہیں کرنا چاہیے ؟ یا چیف…
— Maryam Nawaz Sharif (@MaryamNSharif) May 27, 2023
انہوں نے کہا کہ انصاف کی سب سے بڑی کرسی پر براجمان شخص احتساب سے بچنے کے لیے اپنے عہدے کا بے دریغ استعمال کر رہا ہے۔ اگر آپ اور آپ کی ساس کا دامن صاف ہے تو کیا آپ کو قانون کا سامنا نہیں کرنا چاہیے ؟یا چیف جسٹس ہونے کے ناتے قانون آپ پر لاگو نہیں ہوتا؟
مریم نواز کا مزید کہنا تھا کہ عمر عطا بندیال اپنے خاندان کو بچانے کے لیے قانون کا مذاق اور عدلیہ کا تماشا بنانے کے جرم میں سزا کے حقدار ہیں۔
