استور: گلگت بلتستان میں برفانی تودہ گرنے سے 10 افراد جاں بحق ہو گئے جب کہ حادثے میں کئی افراد زخمی بھی ہوئے۔
میڈیا ذرائع کے مطابق ضلع استور میں شونٹر ٹاپ کے مقام پر برفانی تودہ گرنے کا حادثہ پیش آیا، جس میں 10 افراد جاں بحق اور 10 زخمی ہو گئے۔ جائے حادثہ کے لیے ریسکیو ٹیمز اور ایمبولینسز روانہ کردی گئی ہیں۔
ملبے میں دبے افراد کے لیے استور میں کنٹرول روم بھی قائم کردیا گیا ہے۔ حکام کا کہنا ہے کہ جاں بحق اورزخمی افراد خانہ بدوش تھے۔ ملبے تلے دبے افراد کی تلاش کے لیے ریسکیو آپریشن شروع کردیا گیا ہے۔
